n
Nga Mentor KIKIA
nnnn
Në mesnatë, vonë, telefonat ranë
Në kor, si kukuvajkat, sekretaret thanë:
“Mbledhje urgjente, në seli të Parisë,
Do të diskutohet fati i Shqipërisë!
nnnn
Në Pallatin e Madh u futën të tërë:
Ministra, deputetë, prokurorë e gjyqtarë,
Oligarkë të pasur dhe opozitarë.
Mu në bash të vendit dhe ca gazetarë.
nnnn
Ngarkuar Kadastra me harta në dorë,
Nxitonte të ndizte video-projektorë.
nnnn
Shqipërinë e shtrinë sa gjatë dhe gjërë,
Të gjithë u sulën ta presin me gërshërë.
Komandanti brofi, nervoz si përherë:
“Me ngadalë, derra, se ka për të tërë!”
nnnn
“Ti merr Gjirin e Lalzit, ti – Kakomenë,
Ti merre Ksamilin dhe mbylle halenë!
nnnn
Me Dhërmiun s’ke punë, Jala është e zënë,
Po deshe merr Borshin ose merr tët ëmë.
nnnn
Portet merri ti, nuk po bëjmë pazar,
Veç na furnizo me naftë e dollarë.”
nnnn
“Për mua asgjë? I morët të tëra!
I harruat zgjedhjet, sa vota ju bëra?”
Bërtiti dikush me gojën tërë shkumë:
“Boll i ke guroret, çfarë kërkon më shumë!”
nnnn
Lumenjtë i copëtuan, përrenjtë seç i thanë,
Detin me pëllëmbë, e matën, e ndanë.
nnnn
Dhe kështu u shitën me fusha e male,
Dhuratë për ditëlindje nja dy hidorcentrale.
nnnn
U ndanë koncensionet, PPP-të u ndanë!
“Askush të mos qajë, të gjithë do të hanë”
nnnn
“Prisni!
nnnn
Po ajrin? Ajrin harruam pa ndarë,
Ta kryejmë dhe k’të punë e na ectë mbarë!”
Me gërshërë e grisën, copë e çikë qiellin,
Në ngastra e prenë dhe Hënën e Diellin.
nnnn
Edhe retë i zbritën, aty në tepsi
Dhe nisën t’i hanë tërë babëzi.
nnnn
“Prisni!”
nnnn
Ministër i Drejtësisë foli i shqetësuar:
“I gjithë ky proces duhet ligjëruar!
Ne s’jemi kusarë, s’jemi as hajdutë,
Jemi shtet ligjor, kemi kushtetutë.”
nnnn
I pari i Kuvendit foli qetë-qetë:
“Ligjet do t’i bëjmë siç të duam vetë.
Do t’i miratojmë pikë e për pikë,
Kot s’jemi këtu, bashkë me opozitë!”
nnnn
“Prisni!”
nnnn
Dikush tjetër briti, tërë ankth e frikë:
“Po populli ç’do bëjë, vesh kur ta marrë?
Do të dalë në rrugë, do na heqë zvarrë!”
nnnn
“Eh, populli…
Popullin do ta bëjmë të ndihet më mirë,
Ndaj kemi këtu dhe median e lirë.
nnnn
Popullin do ta bëjmë të na thurë këngë,
Dhe vallen ta hedhë edhe me një këmbë.”
nnnn
Por populli po ikën, rrugët i ka marrë,
Dhe pas do të mbetet
Tok’ e shkretë, djerrë dhe e tharë.
nnnn
————————————————————
nnnn
Ky është thjesht një krijim.
Çdo ngjashmëri me persona konkretë, është e rastit.
nnnn
Një lutje për kolegët e mediave ONLINE!
nnnn
Ky krijim imi, mund të publikohet në mediat tuaja nëse e shihni të arsyeshme, vetëm duke njohur dhe publikuar autorësinë time.
Faleminderit
n